अष्टम स्थान -मृत्यू आणि मृत्यूसम पीडा

 || श्री स्वामी समर्थ ||

पत्रिकेतील प्रत्येक भाव तितक्याच तोलामोलाचा आहे आणि प्रत्येक भावाकडे विशिष्ठ असे कार्य दिलेले आहे. कुठलाही ग्रह नक्षत्र भाव राशी पूर्णतः चांगली किंवा वाईट नसते . असो. आज अष्टम भाव बघुया थोडक्यात . 

अष्टम भाव म्हणजे “ मृत्यू “ असा अनेकांचा समज असतो पण तसे आहे का तर नाही . मृत्यू आणि मृत्युसम पीडा ह्यात जमीन  आस्मानाचा फरक आहे. आपल्यापैकी सगळ्यांचाच अष्टम भाव हा दशा अंतर्दशा आणि विदशा ह्या स्वरूपात लागतच असतो मग आपण काय लगेच मरणार का? तर नाही. त्यामुळे मृत्यू म्हणजे “ निर्वाण “ ,आणि मृत्युसम पीडा ह्यात असणारा फरक समजून घेतला पाहिजे. अष्टम स्थान हे मृत्युसम पिडा देते , भ्रष्टाचार , वडिलोपार्जित संपत्ती , आपल्या आयुष्यातील गुप्त गोष्टी इथे आहेत. मग ते काहीही असो गुप्त प्रेमप्रकरण किंवा गुप्त आर्थिक व्यवहार . तसेच कालपुरुषाच्या कुंडलीत इथे वृश्चिक रास येते आणि शरीरातील गुप्तांगे इथे येतात जी आपण गुप्त, झाकून ठेवतो . समजतंय का? म्हणून आपल्या गुप्त गोष्टी जगासमोर येणार नाही ह्याची आपण काळजी घेतो . ज्या गोष्टी वाईट किंवा सहज सांगता येत नाहीत त्या सर्व ह्या अष्टम भावात येतात . असो . इथे मृत्यू सुद्धा आहे पण फक्त हे स्थान लागले तर मृत्यू येणार नाही पण मृत्युसम पिडा निश्चित येयील.

मृत्यू , जन्म आणि विवाह हे 3 पत्ते विधात्याने आपल्या हातात ठेवले आहेत . एखाद्या निष्णात अभ्यासू ज्योतिषाला त्याच्या साधनेमुळे एखाद्याचा मृत्यू जरी समजला तरी त्याने तो सांगू नये असे शास्त्र सांगते . आपल्याला मृत्यू कधी येणार ते माहित नाही म्हणूनच आपण आनंदात जगत आहोत .अनेकदा अज्ञानात सुख असते म्हणतात ते हे असे, कश्याला जाणून घ्यायच आहे आपल्याला आपला मृत्यू  ? अहो आजकालच्या जगात अनेक अनेक लोक रोज हजार मरणे मरत जगत आहेत हे येणाऱ्या पत्रीका बघून समजते . असो .

मृत्यू च्या वेळी वेगळी ग्रहस्थिती असते . अश्यावेळी षष्ठ जे आजारपण देते , अष्टम जे मृत्यूतुल्य पिडा देते आणि व्यय जे आपल्या शरीराचा अस्तित्वाचा व्यय करते ,त्याच सोबत अष्टम भावाचे अष्टम म्हणजे तृतीय भाव सुद्धा महत्वाचा असतो आणि अर्थात मारक स्थाने . ह्या सर्व भावांची आणि त्यातील ग्रहांची एकत्रित मोट बांधली जाते , तसेच ह्या भावांच्या दशा अंतर्दशा आणि विदशा आपली अखेर करतात त्यामुळे अष्टम भाव लागला कि मृत्यू हे आता विसरून जा.

शेवटी जन्माला आलेला प्रत्येक जीव आपला प्रवास , आपले इथले कार्य संपले कि जाणार आहे तेव्हा उगीच असल्या प्रश्नांच्या उत्तराचा शोध सुद्धा घ्यायला जाऊ नका. जीवन फार सुंदर आहे. आजचा दिवस आणि आत्ताचा क्षण आपला .पुढचे बघतील स्वामी , द्या त्यांच्यावर सोडून सर्व. आत्ताचा क्षण आनंदाने जगणे हेच केवळ आपल्या हाती आहे . सत्कर्म करा , सगळ्यांना मदत करा , राग रुसवे फुगवे ह्यांनी हाती काहीच लागणार नाही ,जळी स्थळी फक्त आपले महाराज दिसुदेत ...बस इतकं करा पुढचे सर्व सोपे होऊन जायील.

सौ. अस्मिता दीक्षित 

संपर्क – 8104639230

त्याच्या अस्तित्वाला सलाम

 || श्री स्वामी समर्थ || 

आपल्यापैकी अनेक देवाला मानणारे आणि काही न मानणारे असतील. अनेक जण म्हणतील आमचा कर्मावर विश्वास आहे . बरोबर पण कर्म कोण करवून घेत आहे आपल्याकडून तर तोच जो वरती बसलाय . त्याला बघितलाय का कुणी ? नाही पण तो आहे . कुठे आहे ? ह्या आसमंतातील प्रत्येक अणुरेणूत आहे, आपल्या श्वासात आहे, आपल्या असण्या आणि नसण्यात सुद्धा तोच आहे. आपल्या प्रत्येक कृतीत , हालचालीत , हसण्यात बोलण्यात शब्दात सर्वत्र त्याचाच तर संचार आहे. ह्या लेखातील प्रत्येक शब्दात आहे , तुम्हाला वाचावे असे वाटावे ह्या भावनेत सुद्धा तोच आहे. 

लहानपणी आपल्यावर आई संस्कार करताना सांगत असे , बघ हा खोटे बोललास तर देवबाप्पा रागवेल तो शिक्षा करतो. अगदी हेच कुणीतरी आहे मग त्याला देव , ईश्वर काहीही म्हणा . अस्मिता. आपल्या आयुष्याला कुणाचातरी धाक आहे हेच ह्यातून आईला अभिप्रेत करायचे नसेल ना? वाटेल तसे वागून चालणार नाही कुणीतरी आहे ज्याने आपल्या आयुष्याचा सुकाणू हाती घेतला आहे. अस्मिता.त्याच्या अस्तित्वाची जाणीव तो वेळोवेळी आपल्याला करून देत असतोच . अस्मिता प्रगत जगात तर उलट ईश्वरी शक्तीवर विश्वास ठेवणार्या लोकांची संख्या दिवसागणिक वाढत आहे. 

तुही बिगाडे तुही सवारे ...आजचा जन्म हा पूर्व जन्माचा आरसा आहे. पूर्वी कित्येक जन्मात केलेले अपराध चुकांची शिक्षा भोगण्यास आपण येतो आणि पुन्हा नवनवीन चुका करतो ..मग आहेच पुनरपि जननं पुनरपि मरणं. अनेकदा आपल्याला आपल्या चुकांचा , केलेल्या अपराधाचा पश्चात्ताप होतो आणि शेवटी एक मस्तक आणि दोन हस्तक आपण ह्याच ईश्वरी शक्तीसमोर जोडतो. संकट आले कि त्याचीच आठवण येते . अस्मिता. आपल्या आयुष्यातून ह्या दैवी शक्ती वजा केल्या तर आयुष्य शून्य होयील. एकदा मला महाराजांचा खूप राग आला काहीतरी मनासारखे झाले नव्हते. मनात आले आता उद्या सगळ्या पोथ्या जपमाळा विसार्जीतच करते . सकाळी उठल्यावर विचार आला कि हे सर्व केले तर मग माझ्याजवळ आणि घरात राहिले तरी काय ???? सर्व रिते होऊन जायील. महाराजांची क्षमा मागितली. ह्या अध्यात्माने आपले आयुष्य किती भारावून टाकलेले आहे ते बघा . आई सांगते ना देवाला हात जोड आणि त्याला म्हणावे मला चांगली बुद्धी दे म्हणजे तो आहे . अस्मिता. आईच्या आईने तिला शिकवले आता ती आपल्याला ,उद्या आपणही तिच्याच पावलावर पाऊल टाकून आपल्या मुलांना हेच शिकवणार आहोत कारण आपल्याला मनोमनी पटलेले आहे कि परमेश्वरी शक्तीचा ह्या जगतात , विश्वात संचार आहे आणि त्याची अनुभूती आपण प्रत्येक क्षणी अनुभवत आहोत . 

आम्ही बाई so called modern म्हणणारे भले भले ना रक्त तयार करू शकत ना पाऊस पाडू शकत , ना कुणाला जन्माला घालू शकत ना कुणाचा मृत्यू थांबवू शकत . अस्मिता.काहीच नाही आहे आपल्या हातात . आपल्याला थोडे फार जे काही त्याने दिलेले आहे त्याने आपण इतके मिजासखोर झालेलो अहो कि सगळेच त्याने आपल्याला बहाल केले असते तर आपली काय अवस्था झाली असती. अस्मिता. भारतात कायदा सुव्यवस्था आहे म्हणून सामान्य माणूस जगतोय . अस्मिता.कुणीतरी वाली आहे आपला जी भावनाच आपल्याला जागवते आधार देते अगदी तसेच आपल्या सर्वांच्या वरती आपल्यावर त्याचा वरदहस्त आहे म्हणून आपण आहोत . अस्मिता. वरवर कुणी काहीही म्हणूदेत पण मनोमन आपण त्याचे अस्तित्व स्वीकारले आहे आणि तेही 100%.

आयुष्यात त्याच्या असण्याची अनुभूती आपल्याला कधीतरी येतेच आणि मग डोळ्यातून घळाघळा अश्रुधारा वाहू लागतात . कुठे आहे हा ईश्वर ? आपल्या अगदी जवळ आपल्या अवती भवतीच तर आहे. अस्मिता.आपला जन्म हा त्याच्या सेवेसाठीच झालेला आहे हा भाव मनात रुजला कि मग सगळेच सोपे होऊन जाते .

ईश्वराशी अनुसंधान आपण अनेक साधना , उपासनेतून करू शकतो . अस्मिता. त्याच्याशी घट्ट मैत्री करू शकतो , त्याच्या अस्तित्वात आपले अस्तित्व त्याच्या असण्यात आपले असणे आणि त्याच्या इच्छेत आपल्या इच्छा विलीन करण्यासाठी उपासना हा सर्व श्रेष्ठ मार्ग आहे आणि त्या करून घेण्यासाठीच येत आहे श्रावण .अस्मिता.आपल्या उपासनेस आरंभ करण्यासाठी  सोन्यासारखा मास श्रावण मास . 

पुढील लेखात श्रावणातील उपासना .अस्मिता.पण त्या आधी ज्याची उपासना करायची त्याचे अस्तित्व तर मान्य झाले पाहिजे म्हणून हा लेखन प्रपंच . 

आपल्याजवळ कुणीच नसते तेव्हा तो मात्र आपल्या अगदी समीप असतो ..आपल्याला आधार देण्यासाठी हे कटू सत्य आहे .

सौ. अस्मिता दीक्षित

संपर्क : 8104639230

मुलांसाठी लक्ष्मण रेषा - बालाशिष स्तोत्र

 || श्री स्वामी समर्थ ||

मुले हे आपले अत्यंत नाजूक असे भाव विश्व असते . आपल्याला काहीही झाले तरी चालते पण मुलांना जरा खरचटले तरी दिवसभरात चार फोन असतात आपले घरी . मुलांचे संगोपन शिक्षण त्यांच्यासाठी आईबाप खस्ता काढतात , स्वतःला विसरून जगतात कारण मुले हेच त्यांचे विश्व असते . अनेकदा मुलांच्या आयुष्यात खडतर काळ येतो , त्यानाही संघर्षाला सामोरे जावे लागते , अचानक आलेली संकटे , शिक्षणातील अडथळे , मनासारखे यश न मिळणे ह्या गोष्टींमुळे मुलांचा आत्मविश्वास कमी होतो , अनेकदा मग त्यातूनच पुढे वाईट संगती , सतत घराबाहेर राहणे हे नकळत घडू लागते . असो .

आपल्या मुलांना दीर्घायुष्य लाभावे आणि त्यांचे आयुष्य सुखाचे जावे , त्यांच्या आयुष्यातील अडचणी कमी होऊन त्यांना मार्ग मिळावा ह्यासाठी दत्तगुरुनी एका अत्यंत प्रभावी स्तोत्राची रचना केली आहे आणि ते म्हणजे “बालाशिष स्तोत्र “ . सहज सुंदर आणि तितकेच सोपे असे हे स्तोत्र मुलांच्या आईवडिलांनी कुणीही किंवा दोघांनीही रोज निदान एकदा तरी म्हणावे .हे मुलांची  रक्षा करणारे कवच  आहे. रोज एकदाच म्हणावे पण त्यात सातत्य ठेवावे . आपल्या वेळेप्रमाणे म्हणावे . कुठलेही स्तोत्र पठण किंवा उपासना मनापासून असेल तरच फळते . कसेतरी उरकून टाकल्यासारखे काहीच म्हणू नये निदान त्या देवतेचा अपमान तरी होणार नाही. कारण जिथे भाव नाही तिथे देव कसा बरे असेल ? कसलीही पिडा , अनारोग्य ,ग्रहपिडा किंवा भूतपिशाच्च पिडा , करणी बाधा , वाईट नजर अश्या अनेक दोषातून मुक्त करून मुलांचे रक्षण करणारे असे हे अत्यंत दुर्मिळ स्तोत्र आहे .

आपण मुलांसोबत 24 नसतो म्हणून ह्या उपासनेने त्यांचे रक्षण होते अर्थात हा विश्वासाचा प्रश्न आहे. मग आता हे म्हणून काय उजेड पडणार आहे आमचे चिरंजीव काय पहिले येणार कि काय ? तर त्यांच्या बुद्धीप्रमाणे फळ मिळेल पहिले येणार नाहीत पण निदान अभ्यास तरी करतील. चौफेर उधळलेले मन शांत तरी होईल . आता प्रत्यक्ष दत्तगुरुनी आपल्या लेकरांच्या उद्धारासाठी , कल्याणासाठी रचलेल्या स्तोत्राविषयी शंका घेणे किंवा त्यावर उहापोह करणे अयोग्य होयील .असो.

कुठलीही उपासना शंका कुशंका घेवून करूच नये आणि केली तर फळाची अपेक्षा करू नये. शेवटी हे स्तोत्र म्हणजे आशेचा किरण आहे असे समजावे आणि वाचन सुरु करावे . आज गुरुवार आहे. गुरु म्हणजे ज्ञान , आपल्या आयुष्यातील अज्ञान दूर करून आपल्या ज्ञानाच्या ज्योतीने आयुष्य प्रकाशमान करणारे गुरु . आजपासूनच म्हणायला सुरवात करा ..कुणी? तर सगळ्यांनी ..आपल्या मुलांच्या उज्ज्वल भविष्यासाठी , त्यांनी कुठल्या नको त्या गोष्टीत अडकू नये म्हणून, त्यांच्या यशासाठी आणि आनंदासाठी पालक हे नक्कीच करू शकतात . 

अनेक पत्रिका समुपदेशनासाठी येत असतात , मुलांचे प्रश्न असतात . मुले ऐकत नाहीत , उशिरा घरी येतात , कित्येक घरात आई एकटीच असते वडील नसतात , अश्यावेळी त्या माऊलीने रात्री बेरात्री मुलांना शोधायला जायचे कि गृहस्ती सांभाळायची ? कायकाय करायचे तिने , तिचाही जोडीदार सोडून गेलेला असतो कि तिला आयुष्याच्या मध्यावर , मुलांच्याच कडे बघून जगत असते ती ,अनेकदा मुलांना शिक्षणात किंवा अगदी प्रेमात सुद्धा अपयश येते आणि शिक्षण सोडून देतात हताश होतात . आजकाल वाईट संगतीत अडकणे फारच सोपे झाले आहे , व्यसने करणे जणू फ्याशन झाले आहे, आपल्या पालकांचा जराही विचार मुले करत नाहीत अश्यावेळी कुणाचा तरी आधार लागतो . अश्या अनेक पत्रिका पाहिल्यावर मनात आले कि हे स्त्रोत्र वाचून कदाचित अश्या पालकांना मार्ग मिळेल म्हणून हा लेखन प्रपंच. ज्यांना वाचायची इच्छा आहे जरूर वाचा अनुभूती मिळाल्याशिवाय राहणार नाही .

हे अत्यंत प्रभावी आणि अद्भुत स्तोत्र आहे, ज्यांच्या मनात शंका असतील त्यांनी अजिबात वाचू नका पण इतरांनी मात्र नक्कीच वाचा आपल्या पाल्यासाठी आणि त्याच्या उत्तम निरोगी आयुष्यासाठी .

हे स्त्रोत्र इथे देत आहे. हे एका कागदावर लिहून वाचायला सुरवात करावी , आपल्या वेळेप्रमाणे वाचावे 

कधी वाचावे – कधीही आपल्या वेळेप्रमाणे , ह्याला कसलेही नियम नाहीत . आता पाळी आली स्वतःची किंवा घरात कुणाची तर वाचू नका त्यासाठी मला फोन नको ह .काही गोष्टीत स्वतःचे विचार , तारतम्य असलेच पाहिजे .संकल्प सोडायचा का? तर हो . तुमच्या ज्या काही समस्या असतील त्या मिटेपर्यंत तरी निदान वाचन करावे. उद्यापन नाही , उपवास नाही . प्रश्न खूप झाले वाचन सुरु करा . youtube वर ऐकायला मिळेल ते उच्चार कसे असावेत ह्यासाठी ऐका पण त्यानंतर मात्र रोज स्वतः म्हणायचे आहे. येणार ..प्रयत्नांती परमेश्वर .

श्री गुरुदेव दत्त |

टीप : अत्यंत तळमळीने ,मनापासून म्हणणार्यालाच ह्या स्त्रोत्राचा निश्चित लाभ होईल ह्यात शंकाच नाही . नुसते वरवरचे काहीच उपयोगी येणार नाही .शेवटी भाव तिथे देव. 

शुभं भवतु  

“ बालाशिष स्तोत्र" 

स्वांशेनेदं ततं येन स त्वमीशात्रिनंदन।।

मुञ्च मुञ्च विपद्भ्योsमुं रक्ष रक्ष हरे शिशुम्।।१।।

प्रातर्मध्यंदिने सायं निशि चाप्यव सर्वथा।।

दुर्दृग्गोधूलिभूतार्तिगृहमातृग्रहादिकान्।।२।।

छिन्धि छिन्ध्यखिलारिष्टं कमण्डल्वरिशूलधृक्।।

त्राहि त्राहि विभो नित्यं त्वद्रक्षालंकृतं शिशुम्।।३।।

सुप्तं स्थितं चोपविष्टं गच्छन्तं क्वापि सर्वतः।।

भो देवावश्विनावेष कुमारे वामनामयः।।४।।

दीर्घायुरस्तु सततं सहओजोबलान्वितः।।

इति श्रीमत परमहंस परिव्राजकाचार्य

दत्तपुराणांतर्गत

श्रीवासुदेवानन्दसरस्वतीविरचितः

बालाशिषः स्तोत्रह संपुर्णम.

सौ. अस्मिता दीक्षित 

संपर्क : 8104639230 

मन वढाय वढाय

 || श्री स्वामी समर्थ ||

मनुष्य हा स्तुतीप्रिय आहे. कुणीही स्तुती केली कि ती व्यक्ती लगेच आपल्या “ Good Book “ मधेच जाते . तसेच यश सुद्धा माणसाला प्रिय आहे ते मिळाले कि सर्व जग सुंदर दिसू लागते आणि जगावेसे वाटते पण अपयश माणसाला पचवता येत नाही त्याला सामोरे जाणे कठीण असते . अपयश आले कि माणूस खचून जातो , नशीब चांगले असेल तर त्यातून कालांतराने बाहेर येतो नाहीतर मग व्यसने , चुकीचे मार्ग स्वीकारून दिशाहीन होतो.

देव सारखा रडवत नाही कधीतरी हसवतो सुद्धा . जिथे ऋतू , निसर्ग सुद्धा शाश्वत नाही तिथे आपले क्षणभंगुर आयुष्य ते काय ? जरा कुणी आपली स्तुती केली ,आपल्याला चांगले म्हंटले कि आपण आपली सुद्बुद बुद्धी जणू गहाण ठेवुन त्या व्यक्तीत गुंतत जातो आणि अनेकदा तिथेच फसतो. खरतर आपली वाहवा करणारे आपले खरच असतात का? हा आजकाल संशोधनाचा विषय आहे . आपली वाहवा ते नक्की कश्यासाठी करत आहेत हे एकदा तपासून बघा उत्तर सापडेल तुमचे तुम्हालाच.

खरतर आपले क्रिटिक , विरोधक आपले खरे मित्र असतात . राजकारणात विरोधी पक्ष जितका बलवान तितके सरकार काम अधिक करेल .तसेच विरोधक खरतर तुम्हाला तुमचीच ऋण बाजू दाखवून देतात ती स्वीकारली तर भले आपलेच आहे पण आपल्याला नेमका त्याचाच त्रास होतो . 

अनेकदा विचार करण्याची शक्ती आपण घालवून बसतो , जे समोर आहे तेच खरे असे समजतो पण ते भासमान असते आणि हे जेव्हा समजते तेव्हा ओंजळीतून आयुष्य पार निघून गेलेले असते . 

मन आपल्याशी सतत उन पावसाचे खेळ खेळत असते . आपल्या आयुष्यात आपण जे जे करतो ते मनाच्या निर्देशनामुळेच . आपल्या मनाला वाटले म्हणून पर्यटनाला गेलो , एखाद्या प्रदर्शनाला गेलो , एखादा पदार्थ केला , खाल्ला , एखादा कोर्स केला. जे जे आहे ते मनाच्या अवती भवतीच आहे . मनाविरुद्ध काहीही खपत नाही आपल्याला . कुठलीही लढाई मनापासून लढली जाते तेव्हाच यशश्री मिळते .

मनाला सतत काबूत ठेवण्याचा निष्फळ प्रयत्न आपण करत असतो खरतर मन आपल्याला नाचवत असते. आपले मन किती अस्थिर असते हे मी वेगळे सांगायला नको. मनाचा कारक ग्रह चंद्र आणि तो आहे जल तत्वाचा त्यामुळे पाण्याच्या लाटांवर आपले मन सदैव हिंदकळत असते तेहि आपल्या नकळत .

अस्थिर मन अनेक व्याधिना मग त्या मानसिक असोत अथवा शरीरील जन्माला घालते . एखादी गोष्ट मनाने स्वीकारली तर आपण आनंदाने करतो . बघा रोज सकाळी उठायचा कंटाळा येतो पण शाळेची ट्रीप आठवा  त्या दिवशी घरात सगळ्यांच्या आधीच आपण उठून बसलेले असतो कारण मन. माझ्या मनात एखादा विषय आला कि लगेच लेख लिहिला जातो . सांगून सवरून जीवाचा आटापिटा करून ह्या गोष्टी होत नाहीत . 

मनात असेल तर ती गोष्ट सहजप्राय होते . एखाद्या शब्दानेही दुखावले जाणारे हे मन दिसत नाही पण असते . हे मन एखाद्याचे आयुष्य सावरू शकते त्याला जगायला स्फूर्ती देऊ शकते . मनाचे खेळ आजवर कुणास समजले नाहीत . आयुष्यभर एका छताखाली एका घरात राहणाऱ्या माणसांचे मन तरी कुठे आजवर कुणाला समजलेले आहे, पटतंय का? 

एखादी विचारधारा आपण स्वीकारतो तेही मनाचा कौल असेल तर आणि तरच . अनेकदा अति विचार हे सुद्धा आजारांचे आणि मनस्वास्थ्य ढासळण्याचे कारण असते. सुप्त विचार मनाची शांतता घालवतात , ते साठून राहिले नाही पाहिजेत . अनेकदा अविचार हे सुद्धा आपल्या आयुष्यातील अनेक वळणावर घातक ठरतात .

चुकीचा विचार  चुकीची संगत जवळ करतो. मनातील विचारांचे प्रतिबिंब अगदी स्पष्टपणे उमटते ते आपल्या चेहऱ्यावर आणि सर्वप्रथम डोळ्यात . मन तरल कोमल असते ,सहज कश्याच्याही अधीन होऊ शकते म्हणूनच भाव भावना आणि त्यांचा अविष्कार मनाशी निगडीत आहे. 

अनेकदा मुले शाळा कॉलेज नंतर बाहेरच भटकत राहतात कारण त्यांना घराची ओढ नसते , स्वतःच्याच घरी यावेसे वाटत नाही कारण त्यांचे मन घरातील व्यक्तींबाबत आणि पर्यायाने वास्तूबाबत सुद्धा उदासीन असते . 

मनाची व्यथा समजणे कठीण आहे. एकदा का हे मन निराशेच्या गर्तेत अडकले कि व्यसनांचे मार्ग खुले होतात आणि माणूस सर्वस्व घालवून बसतो. आत्मविश्वास कमी होतो आणि जगण्याची उमेद नष्ट होते.  अनेकदा ह्या मार्गावरून परतणे अशक्य होते आणि आयुष्य हाताबाहेर जाते. 

आपल्या आयुष्याच्या प्रवासात मन अत्यंत महत्वाचे आहे आणि मनावर संयम ठेवायचा असेल तर अथक प्रयत्न करायला लागतात . आजकालच्या जीवघेण्या स्पर्धात्मक युगात तर जिथे प्रत्येक क्षणी आपल्या व्यक्तिमत्वाचा कस लागत असतो तिथे तर नक्कीच. लहानपणी आपल्याला घरातील मोठी मंडळी मनाचे श्लोक शिकवीत असत . लहानपणी मनावर जे बिंबले जाते ते चिरकाल टिकते म्हणूनच संस्कार हे मुलांच्या मनावर कायमचे ठसले जावेत म्हणून लहानपणीच केले जातात .आयुष्यातील कठीण वळणावर निर्णय घेताना हे संस्कार उपयोगी येतात .

मन चंगा तो सबकूच चंगा  त्याप्रमाणे मनाला सतत ताजेतवाने ठेवण्याची गरज असते , ते क्षणात हस्ते तर क्षणात रुसते . 

आपल्याला ह्या भूतलावर परमेश्वराने विशिष्ठ कार्य करायला पाठवले आहे आणि ते पूर्ण झाले कि आपला इथला प्रवास संपणार आहे. कितीही डोके आपटा एका क्षणाचे किंवा एका श्वासाचे सुद्धा extension मिळणार नाही . कुणाला सोबत घेवून आलो नाही आणि सोबत घेवून जाणारही नाही. तेव्हा आपले एकटे मस्त आपल्याच धुंदीत जगणे , आपले स्वतःचे विश्व निर्माण करणे , भरपूर वाचन , आपले छंद आवडी निवडी जोपासणे आणि सगळ्या जगाला फाट्यावर मारून आपल्या चेहर्यावरची स्मित रेषा अजिबात न घालवणे हा उपक्रम चालू करा ..आपल्याच मनाचा लगाम हातून निसटून देऊ नका , तसे झाले तर आयुष्य खर्या अर्थाने जगायला सुरवात होईल......

अनेकदा पत्रिकेत चंद्र बिघडलेला असतो कधी राहू , केतू शनी हर्शल अश्या पापग्रहांच्या संगतीमुळे , कुयोगामुळे किंवा अन्य ग्रहयोगांमुळे सुद्धा तेव्हा आपल्या मनाची ताकद उपसनेद्वारे वाढवणे हेच उत्तम. प्रत्येक गोष्टीला उपाय आहे पण तो किती करतात हे महत्वाचे आहे . 

चंद्राचा जप करा किंवा शंकराचा जप करा सांगितला तर अनेक प्रश लगेच येतील किती वेळा करायचा ? कधी करायचा ? मग प्रवासात करायचा का? पाळी आली तर करायचा का? एक ना दोन ....श्री स्वामी समर्थ हा एकच जप करा कधी कसा करा तर श्वासागणिक करा ..संतांची सत्ता अगाध आहे. 

रोज सकाळी “ हम को मन कि शक्ती देना... “ हि प्रार्थना ऐका नक्कीच फायदा होईल. आपले अनुभव शेअर करावेत .

सौ. अस्मिता दीक्षित 

संपर्क : 8104639230