आपली इच्छा

|| श्री स्वामी समर्थ ||

ज्या क्षणी आपण आपली इच्छा त्यांच्या इच्छेत विलीन करतो. तू जे करशील ते माझ्यासाठी योग्यच असेल ह्यावर दृढ विश्वास आणि निस्सीम श्रद्धा ठेवतो त्या क्षणापासून आपले आयुष्य बदलून जाते . मग मात्र कसलाही विचार नाही . आपल्यासाठी कुठली वेळ योग्य आहे ते त्यांनाच माहित आहे आणि त्या वेळेची वाट पाहणे इतकेच आपल्या हाती आहे. पी हळद हो गोरी हे अध्यात्मात नाही . संयम , पराकोटीचा विश्वास आणि उच्च कोटीची साधना , नामस्मरण  ह्यामुळे  आयुष्यातील सर्वांग सुंदर क्षण पदरात नक्कीच पडतात .

सौ . अस्मिता दीक्षित

शनी कुंभेत

 || श्री स्वामी समर्थ ||

शनी कुंभेत प्रवेश करत आहे. बर मग ??? कुंभ , मीन राशींची साडेसाती आता ....काय होणार ???? असले प्रश्न पडलेले मेसेज आणि फोन बघून थक्क व्हायला होते. याचा अर्थ आपण केलेल्या आणि करत असलेल्या साधनेवर आपला स्वतःचाच विश्वास नाही , हो ना? अहो  शनी महाराजांनी त्यांचा मुक्काम कुंभ राशीत हलवला आहे. ते होणारच होते पुढे ते मीन राशीत प्रवेश करतील. पण ह्या सर्वच गोष्टींचा विचार आपण सकारात्मक भावनेने नाही का करू शकत ? शनी काय राक्षस आहे का? खाणार कि काय तुम्हाला .उलट आता धनु राशीची साडेसाती संपली आहे त्यांनी गेली 8 वर्षे कशी गेली त्याचा विचार करावा आणि कायकाय धडे मिळाले आहेत त्याचा परामर्श घ्यावा चिंतन मनन करावे आणि पुढील आयुष्य जगावे . शनी देवांची शिकवण पुढील आयुष्यात अमलात आणावी म्हणजे पुढे 30 वर्षांनी पुन्हा येणारी धनु राशीची साडेसाती त्यांना परमोच्च मोक्षाचा आनंद नक्कीच मिळवून देयील नाहीतर आहेच मग वेन्तिलेतर आणि आजारपणाची दुखाची मालिका. 

कुंभ म्हणजे ज्ञानाचा घडा आहे. जितके ज्ञानाचे कण वेचता येतील तितके पुढील अडीच वर्षात सगळ्यांनी वेचावेत . हे दिवस पुन्हा 30 वर्ष येणार नाहीत.

प्रत्येक गोष्टीचा वाईटच विचार का करायचा ? शनी मित्र आहे आपला , दाराची बेल वाजवत आहे त्याचे आत्यंतिक आनंदाने स्वागत करा कारण आता त्याचे वास्तव्य आपल्याच घरात पुढे अडीच वर्ष आहे. त्याच्या मनासारखे सचोटीने वागा , थोर्या मोठ्या व्यक्तींचा मान ठेवा , उपासना वाढवा , नामस्मरण वाढवा , लई वेळ असतो आपल्याला , नसेल तर तो आता काढावा लागेल आपल्याच स्वार्थासाठी , दान धर्म करा , सर्वात मुख्य स्वतःला लई शाने समजणे बंद करा , इतर लोक मूर्ख नाहीत ,फक्त तुम्हालाच मेंदू नाही इतरानाही आहे , सर्वाना बरोबर घेवून जायचा प्रयत्न करा . आणि हो कष्टाला अजिबात घाबरू नका , इतके कष्ट करा कि रात्री शांत झोप लागेल पडल्या पडल्या , आपल्या कर्तव्यात चुकू नका . इतके सर्व केल्यावर मग शनी कुंभेत आहे कि अजून कुठे तुम्हाला काय करायचे आहे. आपल्या हातात आहे ते करायचे ते म्हणजे उत्तम कर्म आणि निष्काम उपासना ....स्वतःही घाबरायचे आणि इतरानाही घाबरवायचे हे उद्योग बंद करा. शनी काहीही करणार नाही पण तुमचे नकारात्मक विचार तुम्हाला आजारपण देतील ..मानसिक आणि पुढे शारीरिक सुद्धा . 

शनीचे स्वागत हात पसरून आनंदाने मनापासून करा . साडेसाती हि आयुष्यातील मोठी संधी आहे आणि ती सुद्धा सकारात्मक . कुंभ मीन मकर राशी चे लोक भाग्यवान आहेत कारण शनी त्यांना जीवनाची खरी ओळख करून देण्यासाठी येत आहे. हा माझा तो आपला कोण किती जवळ आहे ते कळेल आता .

साडेसाती तुम्हाला तुमची जागा दाखवेल , किती क्षणभंगुर अस्तित्व आहे आपले आणि माज किती आपल्याला जसे काही अखंड विश्वाचा कारभार आपल्याच खांद्यावर आहे . उद्या आपण गेलो तर 2 क्षण सुद्धा कुणी टिपे गाळणार नाही हे पक्के लक्ष्यात ठेवा .आपले काम झाले कि आपण इथून जाणार हे सत्य आहे ते स्वीकारा ....शनी कुंभेत...साडेसातीची भीती बाळगू नका. शनी मित्र आहे व्हिलन करू नका त्याला...कष्ट करणार्याची ओंजळ सुखाने भरतील शनी महाराज , परदेश गमन , विवाह , वास्तू योग ,संतती सर्व काही प्रदान करतील फक्त जमिनीवरून चाला...इतकच .

सौ . अस्मिता दीक्षित 

संपर्क 8104639230

“ श्वासागणिक नामस्मरण “ हीच निष्काम साधना (अखंड नामस्मरणाचे , निष्काम साधनेचे , समर्पणाचे वाण लुटुया )

 || श्री स्वामी समर्थ ||

साधनेस , ध्यान धारणेस सुरवात करायची आहे. नामस्मरण करायचे आहे .... कधीपासून करू ? कुठले आसन घेवू ? रोज एकाच जागेवर बसून जप करू का ? खुर्चीवर बसू कि जमिनीवर ? कुठली माळ घेवू प्रत्येक जपाला वेगवेगळी माळ घेवू का? जप सकाळी करू कि संध्याकाळी ? अंघोळ करून जप करायचा का ? हे स्त्रियांनी करायचे कि पुरुषांनी ? प्रश्नांची मालिका संपतच नाही ..बर इतके प्रश्न विचारून शेवटी जपास सुरवात झाली का ? असो.

मुळातच परमेश्वराचे नामस्मरण करावे हा विचार मनात येणे हीच गुरुकृपा आहे असे समजायला हरकत नाही . संकट गळ्याशी आल्याशिवाय परमेश्वराची आठवण येत नाही . आईला मुलाची आठवण मंगळवारी सकाळी शुक्रवारी दुपारी येते का? नाही. मुलाची नाळ आईशी जोडली गेली आहे म्हणून आई कुठेही असो सदैव आपल्या लेकरांचा विचार करते .हो कि नाही ? अगदी तसेच माऊलींचा विचार भक्तांच्या हृदयात सतत असतो , मग जप करायला काळ वेळ दिवस आसन खुर्ची हे सगळे आवश्यक आहे का? नाही हे सगळे दुय्यम आहे .  “ श्वासागणिक नामस्मरण “ हीच निष्काम साधना आहे. जगात काय चालले आहे ह्याचा विसर पडला पाहिजे. स्वयपाक करताना , कपडे वाळत घालताना , भाजी निवडताना , बस ट्रेन मध्ये प्रवास करताना , नित्य कर्म करताना क्षणोक्षणी त्याचेच स्मरण त्याचेच नाव मुखी असेल तर सुख आणि दुख सारखेच वाटेल . आपण त्याच्या अस्तित्वात विलीन होऊ आणि व्यर्थ गोष्टी मनाला  त्रास देणार नाहीत . अर्थात हि अवस्था यायला वेळ लागेल कारण त्याला अडथळे म्हणजे टीव्ही वरील मालिका , सोशल मिडिया अशी अनेक प्रलोभने आहेत . पण तरीही मनाचा निर्धार केला कि मी निदान 5 मिनिटे तरी रोज काहीतरी साधना करणार तर मग त्याची गोडी लागते . 

देवालाही भक्त हवेच कि मग त्यालाही आपल्या लाडक्या भक्तांना प्रचीती द्यावी लागतेच  .एकदा प्रचीती आली कि मग श्रद्धा दृढ होत जाते आणि मग महाराज किंवा ती देवता आपल्या तनामनावर राज्य करू लागते . आपले फमिली डॉक्टर जसे एकच असतात अगदी तसेच आपले सद्गुरू आपली कुलस्वामिनी सुद्धा . कपड्याप्रमाणे रोज त्यात बदल अपेक्षित नाही तो चाळा व्यर्थ आहे. एकच गुरु करा पण त्यांचे पाय घट्ट धरून ठेवा , सेवा करत राहा . त्यांनी आपल्याला काय द्यायचे आणि ते कधी द्यायचे ते त्यांना ठरवूदेत , आपण घेण्याच्या पात्र झालो कि ते देणारच पण त्यासाठी अट्टाहास नको आणि ते मिळवण्यासाठी नामस्मरण तर अजिबात नको .

दिवसातून आपली 100 वाक्ये असतात ..मी पारायण केले मी जप केला मी हे केले आणि मी ते केले. नखशिखांत अहंकार आहे आपल्याला . मी गुरुचरित्र वाचतो मी हे करतो आणि ते करतो . अहो तुम्ही आम्ही कोण हे सर्व करणारे???? ते करून घेत आहेत आपल्याकडून म्हणून  महाराजांनी आज माझ्याकडून पारायण करून घेतले हे वाक्य अधिक समर्पक होयील आणि ऐकायलाही आवडेल आपल्याला आणि आपल्या महाराजानाही . त्यांना सर्व श्रेय दिले कि आपल्याकडे “ मी “ राहणार नाही त्यामुळे अहंकाराला वाव सुद्धा राहणार नाही . डोळे उघडले कि महाराज आणि बंद केले तरी महाराज हि मनाची अवस्था यायला मग फार वेळ लागणार नाही . हळू हळू प्रापंचिक संकटे शुल्लक वाटायला लागतील. सगळे मनाचे आणि शरीराचे आजार दूर पळून जातील . सगळा प्रपंच  द्या त्यांच्यावर सोडून आणि मग बघा आत्यंतिक आनंदाची अनुभूती येणारच  . 

ज्या गोष्टी आपल्याला कारण नसताना मोठ्या वाटायच्या त्याच आता किडा मुंगी समान वाटू लागतील. त्यांना कारण नसताना दिलेले अनन्यसाधारण महत्व कमी होईल आणि जीव त्यांच्यातच गुंतून राहील. जे होते आहे ते त्यांच्या इच्छेने ह्यावर एकदा आपली निस्सीम श्रद्धा जडली कि दुक्ख संकटांची होळी झालीच म्हणून समजा . हीच भावना मनात असते म्हणून लाखो वारकरी चंद्रभागेच्या काठाशी उभे राहून फक्त कळसाचे दर्शन घेवून माघारी फिरतात , प्रत्यक्ष माऊलींच्या दर्शनाची मग गरजच उरत नाही.

आपली एकेक पाऊले मृत्यूकडे जात आहेत ,वेळ कमीकमी होत आहे तेव्हा आता तोच वेळ फुकट न घालवता ह्या आणि पुढील जन्माचे सुद्धा सार्थक करण्याची एकमेव संधी म्हणजे अखंड नामस्मरण मग ते घरात बाहेर कुठेही असो . जिथे असू तिथे नाम घेवू हे एकदा अंगवळणी पडले कि मनालाही त्याची सवय होयील आणि मुखी फक्त नाम असेल .

म्हणून पुन्हा सांगावेसे वाटते प्रश्न थांबवा आणि नामस्मरण सुरु करा .आपला भाव ते ओळखतात आणि म्हणूनच त्यांच्या सेवेची संधी त्यांनीच आपल्याला दिलेली आहे त्याचे सार्थक करुया आणि जीवन खर्या अर्थाने जगूया .

ह्या वर्षाची मकर संक्रांत काहीतरी वेगळे करून साजरी करुया . पारमार्थिक आनंद लुटुया . अखंड नामस्मरणाचे , निष्काम साधनेचे , भक्तीचे , समर्पणाचे वाण लुटुया ...आनंद देवूया आणि घेवूया .

श्री स्वामी समर्थ 

संकलन : सौ . अस्मिता दीक्षित 

संपर्क : 8104639230 

शनीचे Appraisal 2023

 || श्री स्वामी समर्थ ||

शनीमहाराज वर्षातील पहिल्या महिन्यातच राशी बदल करत आहेत त्या निम्मित्ताने शनी महाराजां विषयी माहिती प्राप्त करून घेण्यासाठी ह्या महिन्याच्या प्रत्येक शनिवारी लेख लिहिण्याचा मानस आहे. शनी महाराजांच्या कृपेने तो पूर्णत्वास जावा हीच त्यांच्या चरणी प्रार्थना .  

शनी आणि गुरु ह्यासारखे मोठे ग्रह जेव्हा राशी परिवर्तन करतात तेव्हा आपल्या सर्वांचेच ह्या अनुषंगाने बदलणाऱ्या घटनांकडे लक्ष वेधले जाते. शनी महाराज हे विलंब करणारे , वार्धक्याचे कारक मानले आहेत हे आपण सर्व जाणताच. कर्म आणि त्यानुसार फळ हे शनीचे मोठे खाते आहे. निसर्ग कुंडलीत म्हणूनच 10 आणि 11 हे भाव शनीला दिले आहेत . दशम स्थान म्हणजे कर्मस्थान . जसे कर्म कराल तसे फळ म्हणून 11 वा लाभ ( आय) भाव सुद्धा इथे समाविष्ट आहे. 

तुम्ही आज जसे कर्म करणार तसे उद्या फळ हाच मंत्र शनी महाराज आपल्याला जपायला सांगत आहेत . 

ह्या ग्रहांचे गोचर भ्रमण मानसिक शारीरिक व्यक्तिशः सामाजिक आर्थिक भौगोलिक राजकारण अश्या सर्व स्थरांवर प्रभाव टाकणारे असते म्हणूनच त्याचा अभ्यास करणे अति आवश्यक असते . 

शनी 18 जानेवारीला त्याच्या कुंभ ह्या मुलत्रिकोण राशीत प्रवेश करत आहे जिथे 2025 मार्च पर्यंत वास्तव्य करणार आहेत . आपल्या कार्यालयात आपल्या वरिष्ठांचे आपल्यावर लक्ष असते आणि आपल्या कामानुसार आपले वार्षिक Appraisal होते अगदी त्याचप्रमाणे आपल्या कर्माचा हिशोब ठेवणारे शनी महाराज आपले Appraisal करणार आहेत . ते सर्वार्थाने आपल्या कर्मावर अवलंबून आहे .पटतय ना? आपण केलेली चांगली वाईट कर्मे फक्त आपल्याला आणि वरच्यालाच माहित असतात . शनी महाराज आता त्याचा फक्त लेख जोख मांडणार इतकच . साडेसाती आली कि आपली धावपळ सुरु होते कारण आता केलेल्या सर्व कर्मांची आठवण होते ,मित्रानो हाच आहे शनीचा धाक. आपण केलेय चुकीच्या गोष्टी अश्याच विरून जातील कुणालाच समजणार नाही ह्या भ्रमात ह्या जगात कुणीही राहू नये कारण ज्याने आपल्याला जन्माला घातले , घडवले तो डोळ्यात तेल घालून आपल्यावर लक्ष्य ठेवुन आहेच कि . 

शनीचेच नाही तर कुठल्याही ग्रहाचे राशी परिवर्तन होताना थोडा खडखडाट हा होणारच . एखादी ट्रेन आपल्या track वरून दुसर्या track वर जाताना जसा काही क्षण खडखडाट होतो ना अगदी तसाच , अनेक बदल होतात , व्यवस्थापीय बदल जे सामान्य जनतेच्या हितासाठी असतात कारण मुळातच शनी सामान्य जनतेचा प्रतिनिधित्व करतो. 

शनी च्या ह्या गोचर भ्रमणा मुळे धनु राशीची साडेसाती संपणार आहे तर मकर राशीला शेवटची , कुंभ राशीला मधली आणि मीन राशीला पहिली अडीचकी असणार आहे . तसे पाहायला गेले तर साडेसाती शिवाय इतर राशींवर सुद्धा त्याचा परिणाम होणारच आहे . माझी कुंभ राशी आहे मकर राशी आहे मग मला त्रास नाही असल्या वल्गना कुणी करू नये , केल्या तर भ्रमनिराश होतील. 

कुंभ राशी निसर्ग कुंडलीत लाभ भावात येते . शनी हा कष्टकरी समाजाचे नेतृत्व करणार आहे त्यामुळे हि समाजाची राशी म्हणायला हरकत नाही . 2023 मध्ये शनीचे कुंभ राशीत होणारे गोचर भ्रम पाहताना गेले 3 वर्ष शनीने मकर राशीत केलेला हाहाकार विसरून चालणार नाही. शनी प्लुटो युतीने करोनाला जन्माला घातले आणि आपले जीवन बदलून गेले. माणसांची पैशाची किंमत समजली आणि आपल्या अस्तित्वाची जाणीव सुद्धा झाली. आपले अस्तित्व किती क्षणभंगुर आहे ह्याची जाणीव करोना ने आपल्याला करून दिली आणि मग जगण्याची आणि जगवण्याची धडपड सुरु झाली. मकर राशी आपली सीमारेषा , सत्ता , अर्थव्यवस्था ,व्यवस्थापन दर्शवणारी आहे आणि गेले दोन वर्षात तिथले बुरुज कोसळले .

 शनीला 3 दृष्ट्या आहेत 3 7 10. तिसरी दृष्टी मेष ह्या मंगळाच्या तडफदार पण उतावळ्या राशीवर , सातवी राजराशी सिंह राशीवर आणि 10 वी पुन्हा मंगळाच्या वृश्चिक राशीवर . मेषेत हर्शल आणि राहू गोचर करत आहेत. हवे ते मिळवण्यासाठी राहू काहीही करेल जे अर्थात शनीला पसंत नाही . कुठलेही काम आपल्यासाठी नाही तर समाजासाठी लोकांसाठी हि हिताचे आहे कि नाही हे न बघणार्यांना शनी चौदावे रत्न दाखवेल हे निश्चित . 

आपल्या कष्टांनी उच्च पद प्रतिष्ठा मिळवून राजसी जीवन व्यतीत करणारे सिंह राशीचे लोक आहेत . उच्च पदामुळे मिळालेली प्रतिष्ठा मानसन्मान त्यांना थोडासा अहंकार सुद्धा देणारच . शनी धनिष्ठा नक्षत्रातून जात आहे . हुकुम गाजवणाऱ्या लोकांनी जरा त्यांच्या अधिकारांचा अयोग्य वापर करणे सोडून दिले पाहिजे . शनी आणि कुंभ राशी हि लोकशाही दर्शवणारी आहे. Democracy ला सर्वात प्राधान्य असणार आहे . शनी एका राशीत अडीच वर्ष म्हणजे 12 राशीतून भ्रमण करायला त्याला 30 वर्ष लागतील. गेल्या 30 वर्षापूर्वी जगात कंप्यूटर च्या क्षेत्रात बरीच मोठी क्रांती झाली आजी आपले जीवनच बदलून गेले . नवीन technology , यंत्रणा ह्यात नक्कीच काहीतरी क्रांती करण्यात ह्या कुम्भेतील शनीचे योगदान निश्चित असणार आहे.

शनीकडे वायुतत्व आहे. त्यामुळे विमान सेवा , स्पेस ह्यामध्ये काहीतरी क्रांती होयील. जुन्या गोष्टी जाऊन नवीन गोष्टी पुढे येतील. अनेक देशांतून सुद्धा technology ह्यासारख्या गोष्टींसाठी एकतर येऊन काम केले जायील. धनूची साडेसाती संपेल, मिथुन आणि तुळा राशीच्या लोकांची पनवती संपेल आणि कर्क वृश्चिक राशींची शनीची पनवती  किंवा ढय्या सुरु होईल. 

मुळात आपल्याला हे दैवी शास्त्र मदत करत आहे हे पक्के लक्ष्यात ठेवले पाहिजे . शनी असो अथवा गुरु त्यांचे असणे हे आपल्यासाठी महत्वाचे आहे . त्या ग्रहांचा प्रभाव आपल्यावर आहेच पण उत्तरोत्तर त्याचे फळ चांगले मिळण्यासाठी आपले कर्म शुद्ध सात्विक असणे गरजेचे आहे.

शनी आपला शत्रू आहे आणि आता तो आपले फक्त वाईटच करणार ह्या चुकीच्या विचारांना आधी मनातून हद्दपार करा . ग्रह आपले जीवनाच्या प्रवासातील सोबती आहेत .त्यांच्यासोबतच तुमचा आमचा सर्वांचा प्रवास सुखमय होवूदे हीच सदिच्छा.

संकलन : सौ. अस्मिता दीक्षित 

संपर्क : 8104639230