|| श्री स्वामी समर्थ ||
आपण घेतलेले शिक्षण आणि नोकरी , व्यवसाय ह्याचा अनेकदा एकमेकांशी काहीही संबंध नसतो असे दिसून येते . आपण जे शिक्षण घेतले त्याला अनुसरून नोकरी नाही म्हणून मग नोकरी मिळेल असे शिक्षण घ्यावे लागते आणि त्यातच वयाची पंचविशी उलटते .
टेक्निकल आणि व्यवस्थापन अश्या वेगवेगळ्या अभ्यास पद्धतीचे शिक्षण घेणे आजकाल आवश्यक आहे . आज आपण काही व्यवसाय आणि नोकरी साठी लागणारे ग्रहयोग बघुया .
इंजिनिअरींग हे क्षेत्र मोठे असून त्यात विविध शाखा येतात . ह्यासाठी प्रामुख्याने मंगळ पाहावा त्याच्या राशी आणि त्याचा दशम भावाशी असलेला संबंध . ४ ५ ८ ह्या ठिकाणी मंगळाच्या राशी असतील तर चांगलेच . मंगळ हा मेकानिकल रसायने , रवी मेकानिकल , शनी सिव्हील भूगर्भ . संगणक म्हणजेच कॉम्पुटर क्षेत्रासाठी बुध , गुरु हर्शल चांगले . गुरु हा उच्च तंत्रज्ञान तसेच शनी अत्यंत संयम , चिकाटी देतो तसेच मंगळ इंजिनिअरींगशी संबंध देतो.
बुध हा उत्तम संवाद कौशल्य देतो . शब्दांच्या कोट्या करणारा हा बुध पत्रिकेत उत्तम फलित देत असेल तर कुठल्या क्षेत्रात आपण यश संपादन करू शकतो ते बघुया .
लग्न भावात किंवा धन भावात बुध तसेच २ ६ १० ६ ह्या भावांशी जर मंगल गुरु बुध संबंधित असतील तर व्यक्ती वकिली क्षेत्रात नाव मिळवेल.
पंचम , लाभ भावातील शनी सुद्धा वकिलीसाठी पूरक ठरतो. वकील म्हणून व्यवसाय करायचा असेल तर लाभस्थान आणि लाभेश शुभ हवेत तसेच लग्नात ५ ७ ९ १० ह्या लग्न राशी हव्यात .
केंद्रात शुभ गुरु शनी व्यक्तीला उत्तम न्यायाधीश बनवतात . न्यायाधीश होण्यासाठी लग्नेश बलवान आणि ६ १० ह्या भावात शुक्र गुरु शनी हे ग्रह परस्परांशी संबंधित असावेत .हे अधिकार देणारे ग्रह आहेत . लग्न दशम भावातील राहुसुद्धा उच्च फलित देतो. शनी ५ ११ मध्ये असावा .
४ ९ ह्या भावांची दशा उच्च शिक्षण देयील पण नोकरी देणार नाही . त्यामुळे शिक्षण घेताना पुढे नोकरीसाठी असलेल्या दशांची सांगड घालणे आवश्यक आहे. दशा मार्ग दाखवतेच . जसे नवम भावाच्या दशेत पर्यटन , प्रोफेसर गुरूशी संबंधित व्यवसाय केले तर उत्तम होईल. षष्ठ भाव असेल तर घरी खाद्य पदार्थ करून त्याचा व्यवसाय करावा. पंचम भाव हा कलेचा creative आहे. मुलांच्या शिकवण्या , कला अवगत असेल तर तबला पेटी हेही शिकवता येयील.
ज्योतिष शिकणाऱ्या विद्यार्थ्यांनी अश्या विविध पत्रिका संग्रहित करून त्यातील नियम अभ्यासावे . कदाचित अजूनही काही नियम निघू शकतील त्याचेही अध्ययन करावे. नुसते पोस्ट ला लाईक करून काय सध्या होणार . प्रत्येक विषयाचे मनन , चिंतन आवश्यक आहे.
पुढील भागात इतर व्यवसाय बघुया .
सौ. अस्मिता दीक्षित
पत्रिकेसाठी संपर्क : 8104639230
No comments:
Post a Comment